ລົງຕິດຕາມ, ຊຸກຍູ້ ວຽກງານໂຄສະນາອົບຮົມ ຢູ່ເມືອງວຽງທອງ

ລາຍລະອຽດ

ສ້າງຂື້ນເມື່ອ ວັນອັງຄານ, 03 ຕຸລາ 2023 02:53

ຂຽນໂດຍ ນາງ ນິກອນ ໄມຂະມຸວົງ

       ໃນວັນທີ  28 ກັນຍາ 2023 ຄະນະໂຄສະນາອົບຮົມແຂວງ ໄດ້ລົງເຄື່ອນໄຫວຕິດຕາມ, ຊຸກຍູ້ວຽກງານ ຕາມສາຍຕັ້ງຢູ່ ເມືອງ ວຽງທອງນໍາໂດຍ ສະຫາຍ ນ. ສຸດສະດາ ໂສພາ ເລຂາໜ່ວຍພັກ, ຮອງຫົວໜ້າຄະນະໂຄສະນາແຂວງບໍລິຄຳໄຊ ພ້ອມດ້ວຍຄະນະໄດ້ພົບປະແລກປ່ຽນບົດຮຽນ ແລະ ເຮັດວຽກຮ່ວມກັບ ຄະນະໂຄສະນາອົບຮົມເມືອງ, ໄດ້ຮັບຟັງການລາຍງານຫຍໍ້ວຽກງານໂຄສະນາອົບຮົມຂອງເມືອງ ໃນໄລຍະ 09 ເດືອນຜ່ານມາຈາກ ສະຫາຍ ດວງໃຈ ພົມມີໄຊ ຄະນະປະຈໍາພັກ້ມືອງ, ຫົວໜ້າຄະນະໂຄສະນາອົບຮົມເມືອງ; ກອງປະຊຸມ ໄດ້ມີຄໍາເຫັນແລກປ່ຽນບົດຮຽນເຊິ່ງກັນ ແລະ ກັນ ໃນວຽກງານຕ່າງໆ ຮ່ວມກັນຕື່ມອີກ.

     ໃນຕອນທ້າຍ ຍັງໄດ້ຮັບຟັງການມີຄໍາເຫັນຊີ້ນໍາໃນການຈັດຕັ້ງປະຕິບັດວຽກງານໂຄສະນາ ໃນຕໍ່ໜ້າ ຈາກສະຫາຍ ນ. ສຸດສະດາ ໂສພາ ເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ ອີກດ້ວຍ.

• < ຕໍ່ໄປ
• ຕໍ່ໄປ >