ລົງຕິດຕາມ, ຊຸກຍູ້ ວຽກງານໂຄສະນາອົບຮົມ ຢູ່ເມືອງໄຊຈໍາພອນ

ລາຍລະອຽດ

ສ້າງຂື້ນເມື່ອ ວັນອັງຄານ, 03 ຕຸລາ 2023 02:45

ຂຽນໂດຍ ນາງ ນິກອນ ໄມຂະມຸວົງ

       ໃນວັນທີ  25 ກັນຍາ 2023 ທີ່ຜ່ານມາ ຄະນະໂຄສະນາອົບຮົມແຂວງ ໄດ້ລົງເຄື່ອນໄຫວຕິດຕາມ, ຊຸກຍູ້ວຽກງານ ຕາມສາຍຕັ້ງຢູ່ ເມືອງ ໄຊຈໍາພອນ ນໍາໂດຍ ສະຫາຍ ນ. ສຸດສະດາ ໂສພາ ເລຂາໜ່ວຍພັກ, ຮອງຫົວໜ້າຄະນະໂຄສະນາແຂວງບໍລິຄຳໄຊ ພ້ອມດ້ວຍຄະນະໄດ້ພົບປະແລກປ່ຽນບົດຮຽນ ແລະ ເຮັດວຽກຮ່ວມກັບ ຄະນະໂຄສະນາອົບຮົມເມືອງ, ໄດ້ຮັບຟັງການລາຍງານຫຍໍ້ວຽກງານໂຄສະນາອົບຮົມຂອງເມືອງ ໃນໄລຍະໜຶ່ງປີຜ່ານມາຈາກ ສະຫາຍ ໄຂ ແສງມະນີ ຮອງຫົວໜ້າຄະນະໂຄສະນາອົບຮົມເມືອງ; ກອງປະຊຸມ ໄດ້ມີຄໍາເຫັນແລກປ່ຽນບົດຮຽນເຊິ່ງກັນ ແລະ ກັນ ໃນວຽກງານຕ່າງໆ ຮ່ວມກັນໃນວຽກງານຕ່າງໆ ໂດຍສະເພາະ ວຽກງານບໍລິຫານ, ວຽກງານໂຄສະນາ, ວຽກງານອົບຮົມ ແລະ ວຽກງານເກັບກໍາສະພາບ-ຫາງສຽງສັງຄົມ.

 ໃນຕອນທ້າຍ ຍັງໄດ້ຮັບຟັງການມີຄໍາເຫັນຊີ້ນໍາໃນການຈັດຕັ້ງປະຕິບັດວຽກງານໂຄສະນາ ໃນຕໍ່ໜ້າ ຈາກສະຫາຍ ນ. ສຸດສະ ດາ ໂສພາ ເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ ອີກດ້ວຍ.

• < ຕໍ່ໄປ
• ຕໍ່ໄປ >