ຂ່າວໃໝ່

ຄໍາເຫັນ ທ່ານ ອຸດອນ ສອນສຸລິນ ກໍາມະການພັກແຂວງ, ຫົວໜ້າຄະນະໂຄສະນາອົບຮົມແຂວງບໍລິຄໍາໄຊ ເນື່ອງໃນໂອກາດວັນຊາດທີ 2 ທັນວາ ຄົບຮອບ 47 ປີ

      ເນື່ອງໃນໂອກາດວັນຊາດທີ 2 ທັນວາ, ວັນສະຖາປະນາສາທາລະນະລັດ ປະຊາທິປະໄຕ ປະຊາຊົນລາວ ທີ່ຈະໝູນວຽນມາບັນ ຈົບ ຄົບຮອບ 47 ປີ ໃນບໍ່ພໍເທົ່າໃດວັນຂ້າງໜ້ານີ້; ຂ້າພະເຈົ້າ ໃນນາມພະນັກງານລັດຖະກອນ ຜູ້ໜຶ່ງທີ່ພວມປະຕິບັດໜ້າທີ່ ວຽກງານຢູ່ໃນຂົງເຂດການເມືອງ ຂອງແຂວງບໍລິຄໍາໄຊ ມີຄວາມປິຕິຍິນດີຂໍ່ານັບຊົມເຊີຍຢ່າງສຸດໃຈ ຕໍ່ວັນສໍາຄັນທາງປະຫວັດ ສາດ, ວັນມະຫາໄຊຊະນະຂອງປວງຊົນລາວທັງຊາດ ທີ່ສາມາດພາບແພ້ສັດຕູຜູ້ຮຸກຮານ ແລະ ປະກາດເອກະລາດແຫ່ງຊາດ ຢ່າງສົມບູນ. ຂ້າພະເຈົ້າຂໍຈາລຶກບຸນຄູນ-ຄຸນງາມຄວາມດີຂອງບັນດາບັນພະບູລຸດລາວທີ່ອົງອາດກ້າແກ່ນ, ບັນດາທ່ານການນໍາ ຫຼັກແຫຼ່ງການປະຕິວັດທີ່ພິລະອາດຫານ ຕະຫຼອດເຖິງປະຊາຊົນບັນດາເຜົ່າ ທີ່ໄດ້ອຸທິດສະຕິປັນຍາ ແລະ ກໍາລັງເຫື່ອແຮງ, ເສຍ ສະຫຼະຊີວິດເລືອດເນື້ອຂອງຕົນ ເຂົ້າໃນການຕໍ່ສູ້ອັນທຸລະກັນດານລະອິດລະອ້ຽວ ແລະ ຍືດເຍື້ອຍາວນານ ບໍ່ຮູ້ອິດຮູ້ເມື່ອຍ ແລະ ບໍ່ຍອມຈໍານົນ ເພື່ອນໍາມາແຫ່ງ ຄວາມເປັນເອກະລາດແຫ່ງຊາດ, ອະທິປະໄຕ, ຜືນແຜ່ນດິນອັນຄົບຖ້ວນ ຈາກເງື່ອມມືອັນ ໂຫດຮ້າຍປ່າເຖື່ອນຂອງພວກຈັກກະພັດຜູ້ຮຸກຮານມາສູ່ປະຊາຊົນບັນດາເຜົ່າຜູ້ຮັກຊາດ. ໝາກຜົນແຫ່ງການປະຕິວັດອັນ ຍິ່ງ ໃຫຍ່ ໄດ້ດັງກ້ອງກັງວານໄປທົ່ວທຸກສາລະທິດ ແມ່ນຍ້ອນການນໍາພາອັນສະຫຼາດສ່ອງ ໃສຂອງພັກປະຊາຊົນປະຕິວັດລາວ ຊຶ່ງມີ ໜ້ອຍປະເທດໃນໂລກສາມາດເຮັດໄດ້ ໃນການປົດປ່ອຍປະເທດໂດຍບໍ່ມີສຽງປືນແຕກ ໄດ້ນໍາໃຊ້ຍຸດທະວິທີ 3 ບາດຄ້ອນຍຸດ ທະສາດແບບບົວບໍ່ຊໍ້າ-ນໍ້າບໍ່ຂຸ່ນ. ພວກເຮົາຜູ້ເກີດໃໝ່ໃຫຍ່ລຸນ ໄດ້ຊົມໃຊ້ໝາກຜົນຂອງການປະຕິວັດ, ເປັນຜູ້ສືບທອດພາ ລະກິດປະຕິວັດ ປະຕິບັດສອງໜ້າທີ່ຍຸດທະສາດ: ປົກປັກຮັກສາ ແລະ ສ້າງສາພັດທະນາປະເທດຊາດ, ບູລະນະແນວທາງ ແລະ ດໍາເນີນການປັບປຸງລະບອບປະຊາທິປະໄຕປະຊາຊົນໃຫ້ເຂັ້ມແຂງ ເພື່ອກ້າວສູ່ສັງຄົມນິຍົມໃຫ້ປະກົດຜົນເປັນຈິງເທື່ອລະກ້າວ ຕາມທີ່ພັກ-ລັດວາງອອກ. ຕະຫຼອດໄລຍະ 47 ປີແຫ່ງການຈັດຕັ້ງນໍາພາປົກປັກຮັກສາ ແລະ ສ້າງສາພັດທະນາປະເທດ ຊາດທັງນໍາພາຈັດຕັ້ງປະຕິບັດ ທັງສະຫຼຸບຖອດຖອນບົດຮຽນ ປັບປຸງໄປແຕ່ລະໄລຍະ ທາງດ້ານທິດສະດີ ແລະ ພຶດຕິກໍາ ຄວບ ຄູ່ກັນໄປ ເຫັນໄດ້ຜົົົນງານອັນໃຫຍ່ຫຼວງຫຼາຍດ້ານທີ່ພົ້ນເດັ່ນເປັນສິ່ງປະຈັກຕາໃນປັດຈຸບັນ: ສາມາດປົກປັກຮັກສາໝາກຜົນ ຂອງການປະຕິວັດໄວ້ໄດ້ຢ່າງໝັ້ນຄົງ, ມີສະຖຽນລະພາບທາງດ້ານການເມືອງ, ເສດຖະກິດມີການຂະຫຍາຍຕົວຢ່າງຕໍ່ເນື່ອງ, ວັດທະນະທໍາ-ສັງຄົມໄດ້ຮັບການບູລະນະເສີມຂະຫຍາຍ, ກໍາລັງປະກອບອາວຸດໄດ້ຮັບການປັບປຸງ ກໍ່ສ້າງໃຫ້ເຕີບໃຫຍ່ເຂັ້ມແຂງ ທາງດ້ານປະລິມານ ແລະ ຄຸນນະພາບ, ພື້ນຖານໂຄງລ່າງໄດ້ຮັບການພັດທະນາ, ເສັ້ນທາງຄົມມະນາຄົມຂົນສົ່ງໄດ້ຮັບການກໍ່ ສ້າງຕອບສະໜອງການໄປມາຫາສູ່-ຂົນສົ່ງສິນຄ້າເປັນຢ່າງດີ, ຕາໜ່າງສຶກສາ-ສາທາລະນະສຸກກໍ່ໄດ້ຮັບການປັບປຸງ ແລະ ກໍ່ ສ້າງຢ່າງກວ້າງຂວາງ, ປະຊາຊົນ ແລະ ທຸກຊັ້ນຄົນໃນສັງຄົມສາມາດເຂົ້າເຖິງຢ່າງເທົ່າທຽມ ບໍ່ວ່າໃນເຂດຕົວເມືອງ ແລະ ເຂດ ຊົນນະບົດຫ່າງໄກສອກຫຼີກ. ຊີວິດການເປັນຢູ່ຂອງປະຊາຊົນບັນດາເຜົ່າໄດ້ຮັບການເອົາໃຈໃສ່ຍົກລະດັບໃຫ້ດີຂຶ້ນ, ແນວທາງ ການຕ່າງປະເທດຂອງພັກໄດ້ຮັບການຜັນຂະຫຍາຍ ແລະ ຈັດຕັ້ງປະຕິບັດຢ່າງແຂງແຮງ ໃນລະດັບສາກົນ ແລະ ພາກພື້ນ ຕະຫຼອດຮອດການພົວພັນຮ່ວມມືໃນທຸກລະດັບຂະແໜງການ ແຕ່ຂັ້ນສູນກາງລົງຮອດທ້ອງຖິ່ນ ອັນໄດ້ເຮັດໃຫ້ຊື່ສຽງຂອງ ສາ ທາລະນະລັດ ປະຊາທິປະໄຕ ປະຊາຊົນລາວ ໂດດເດັ່ນຂຶ້້ນໃນເວທີສາກົນຢ່າງຈະແຈ້ງ; ນອກນັ້ນກໍມີຜົນງານພົ້ນເດັ່ນອື່ນໆ ທີ່ ຍັງບໍ່ໄດ້ກ່າວເຖິງ. ໃນໄລຍະ 2-3 ປີຜ່ານມານີ້ ພວກເຮົາໄດ້ປະເຊີນໜ້າກັບມະຫັນຕະໄພຫຼາຍດ້ານທີ່ບໍ່ສາມາດຫຼີກລ່ຽງໄດ້ ເປັນ ຕົ້ນການແຜ່ລະບາດຂອງພະຍາດໂຄວິດ 19, ບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ບັນຫາອື່ນໆ ກົດ ໜ່ວງຖ່ວງດຶງໃນການພັດທະນາປະເທດຊາດບ້ານເມືອງ, ບັນຫາເງິນເຟີ້, ຂາດເຂີນດ້ານພະລັງງານ, ລາຄາສິນຄ້າແພງ, ຄ່າ ຄອງຊີບສູງ ໄດ້ກະທົບໂດຍກົງຕໍ່ຊີວິດການເປັນຢູ່ຂອງພະນັກງານ, ທະຫານ, ຕໍາຫຼວດ ແລະ ປະຊາຊົນບັນດາ ເຜົ່າຢ່າງ ໜັກ ໜ່ວງ. ຕໍ່ສະພາບການດັ່ງກ່າວ, ພັກ ແລະ ລັດຖະບານ ກໍ່ໄດ້ສຸມທຸກກໍາລັງແຮງ ໂດຍສຸມໃສ່ນໍາໃຊ້ກໍາລັງແຮງສັງລວມ ພາຍ ໃນຊາດ ບວກກັບກໍາລັງແຮງຍູ້ໜູນຈາກພາຍນອກ ດໍາເນີນການແກ້ໄຂ ແລະ ມີຜົນສໍາເລັດຢ່າງໜ້າເພິ່ງພໍໃຈ ເປັນຕົ້ນ ການ ນໍາພາປະຕິບັດມາດຕະການຄວບຄຸມ-ແກ້ໄຂການແຜ່ລະບາດຂອງພະຍາດໂຄວິດ 19, ການຈັດຕັ້ງ 2 ວາລະແຫ່ງຊາດ: ແກ້ ໄຂບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນ, ການແກ້ໄຂບັນຫາຢາເສບຕິດ ແລະ ອື່ນໆ. ໃນຂັ້ນທ້ອງຖິ່ນ ແຂວງ ບໍລິຄໍາໄຊ ພາຍໃຕ້ການນໍາພາຂອງຄະນະພັກ-ອົງການປົກຄອງແຂວງ ກໍໄດ້ເອົາໃຈໃສ່ນໍາພາ-ຊີ້ນໍາວຽກງານຮອບ ດ້ານ ຢ່າງ ແຂງແຮງ ແລະ ມີຜົນງານພົ້້ນເດັ່ນຫຼາຍດ້ານໃນແຕ່ລະໄລຍະ; ໃນນາມຂ້າພະເຈົ້າເອງກໍໄດ້ປະກອບສ່ວນຕາມ ພາລະບົດບາດ ໜ້າທີ່ສະຕິປັນຍາຄວາມຮູ້ຄວາມສາມາດ ແລະ ປະສົບການທີ່ມີ ເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາ ປະເທດຊາດກໍຄືແຂວງບໍລິຄໍາໄຊດ້ວຍດີຕະຫຼອດມາ ແລະ ຈະສືບຕໍ່ປະກອບສ່ວນຢ່າງ ໝົດຈິດໝົດໃຈ ແລະ ເຮື່ອແຮງ ຂອງຕົນຕະຫຼອດໄປ; ຂ້າພະເຈົ້າມີຄວາມເຊື່ອໝັ້ນຢ່າງແຮງກ້າວ່າ ດ້ວຍມະນາຈິດປະຕິວັດ ແລະ ແນວທາງອັນຖືກຕ້ອງຂອງ ພັກ ແລະ ລັດຖະບານ ຈະສາມາດນໍາພາປະເທດຊາດຜ່ານຜ່າວິກິດການ ແລະ ຄວາມຫຍຸ້ງຍາກນາໆປະການໄປດ້ວຍດີ, ສືບຕໍ່ ພັດທະນາປະເທດຊາດຮັ່ງມີເຂັ້ມແຂງໃນອະນາຄົດຢ່າງແນ່ນອນ.

          ອີກເທື່ອໜຶ່ງເນື່ອງໃນໂອກາດວັນສໍາຄັນທາງປະຫວັດສາດ ຂອງປວງຊົນລາວທັງຊາດໄດ້ໝູນວຽນມາຄົບຮອບ 47 ປີ,  ຂ້າພະເຈົ້າຕາງໜ້າຄະນະໂຄສະນາອົບຮົມແຂວງບໍລິຄໍາໄຊ ແລະ ໃນນາມສ່ວນຕົວ ຂໍອວຍພອນໄຊອັນປະເສີດມາຍັງການ ນໍາພັກ-ລັດ ຈົ່ງມີພະລານາໄມສົມບູນພູນສຸກ, ສໍາເລັດຜົນໃຫຍ່ຫຼວງໃນພາລະກິດນໍາພາ-ຊີ້ນໍາ ປົກປັກຮັກສາ ແລະ ສ້າງສາພັດ ທະນາປະເທດຊາດ ກ້າວຂຶ້ນຢ່າງບໍ່ຢຸດຢັ້ງ, ອວຍພອນຄະນະນໍາທຸກຂັ້ນ ຈາກສູນກາງຮອດທ້ອງຖິ່ນ, ພະນັກງານ, ທະຫານ, ຕໍາ ຫຼວດ, ອົງການຈັດຕັ້ງທຸກພາກສ່ວນ,ທຸກຊັ້ນຄົນໃນສັງຄົມ ແລະ ປະຊາຊົນບັນດາເຜົ່າ ຈົ່ງມີແຕ່ຄວາມເຂັ້ມ ແຂງ-ຈະເລີນ ຜາສຸກ, ພ້ອມກັນສູ້ຊົນຜ່ານຜ່າທຸກຂໍໍ້ຫຍຸ້ງຍາກ, ປະກອບສ່ວນປະຕິບັດຕາມແນວທາງຂອງພັກ-ລັດວາງອອກແຕ່ລະໄລຍະ ໃຫ້ມີຜົນສໍາເລັດເປັນຢ່າງດີ.

ຂໍຂອບໃຈ!

ຊົມເຊີຍວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ

ວີດີໂອ....

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 11  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

136625
ມື້ນີ້ມື້ນີ້67
ມື້ວານນີ້ມື້ວານນີ້40
ອາທິດນີ້ອາທິດນີ້489
ເດືອນນີ້ເດືອນນີ້373
ທັງໝົດທັງໝົດ136625