ຄະນະໂຄສະນາອົບຮົມແຂວງບໍລິຄໍາໄຊ ລົງຊຸກຍູ້ວຽກງານຮາກຖານ ຕາມສາຍຕັ້ງ ຢູ່ເມືອງປາກກະດິງ

ລາຍລະອຽດ

ສ້າງຂື້ນເມື່ອ ວັນອັງຄານ, 29 ພະຈິກ 2022 04:28

ຂຽນໂດຍ ນາງ ນິກອນ ໄມຂະມຸວົງ

      ໃນວັນທີ 23 ພະຈິກ 2022 ຄະນະໂຄສະນາອົບຮົມແຂວງ ນໍາພາໂດຍ ທ່ານ ອຸດອນ ສອນສຸລິນ ກໍາມະການພັກແຂວງ, ຫົວ ໜ້າໂຄສະນາອົບຮົມແຂວງ  ພ້ອມດ້ວຍຄະນະ ໄດ້ລົງເຄື່ອນໄຫວຕິດຕາມ, ຊຸກຍູ້ວຽກງານຮາກຖານຕາມສາຍຕັ້ງ ຢູ່ເມືອງ ປາກກະດິງ.

    ໃນໂອກາດດັ່ງກ່າວ ໄດ້ເຂົ້າພົບ ທ່ານ ບຸນຄົບ ຈັນທະວົງ ຮອງເລຂາພັກເມືອງ ຜູ້ຊີ້ວຽກງານການເມືອງ-ແນວຄິດ ເພື່ອ ແຈ້ງຈຸດປະສົງ ໃນການລົງໃນການລົງມາເຮັດວຽກສາຍຕັ້ງ, ກະຕຸກຊຸກຍູ້, ຕິດຕາມວຽກງານໂຄສະນາອົບຮົມເມືອງ ໃນ ການ ຈັດຕັ້ງປະຕິບັດວຽກງານ ປະຈໍາປີ 2022, ແລກປ່ຽນບົດຮຽນໃນການເຄື່ອນໄຫວວຽກງານຂອງ ຄະນະໂຄສະນາອົບຮົມ ແຂວງ ແລະ ຄະນະໂຄສະນາອົບຮົມເມືອງ, ພ້ອມທັງລົງຝຶກອົບຮົມສ້າງຄວາມເຂັ້ມແຂງຄວາມຮູ້ພື້ນຖານດ້ານການເມືອງ-ການ ປົກ ຄອງ ແລະ ການສ້າງບ້ານພັດທະນາ ໃຫ້ແກ່ 5 ຕໍາແໜ່ງງານຂັ້ນບ້ານ ຈໍານວນ 6 ບ້ານຂອງເມືອງປາກກະດິງ; ເຊິ່ງສະຫາຍ ຮອງເລຂາພັກເມືອງ ຜູ້ຊີ້ນໍາວຽກງານການເມືອງ-ແນວຄິດ ໄດ້ມີຄໍາເຫັນຕໍ່ການເຄື່ອນໄຫວວຽກງານໂຄສະນາຂອງ ເມືອງ ເຫັນວ່າວຽກງານໂຄສະນາອົບຮົມຂອງເມືອງ ສາມາດເຄື່ອນໄຫວ ຕາມພາລະບົດບາດ-ໜ້າທີ່ໄດ້ເປັນຢ່າງດີ.

    ຈາກນັ້ນ, ໄດ້ເຮັດວຽກຮ່ວມກັບ ຄະນະໂຄສະນາອົບຮົມເມືອງ ໄດ້ຮັບຟັງການລາຍງານຫຍໍ້ວຽກງານໂຄສະນາອົບຮົມ ຂອງເມືອງ ໃນໄລຍະຜ່ານມາຈາກ ທ່ານ ນາງ ສົມຮັກ ແກ້ວມະນີ ກໍາມະການພັກເມືອງ ຫົວໜ້າຄະນະໂຄສະນາອົບຮົມເມືອງ; ກອງປະຊຸມ ໄດ້ມີຄໍາເຫັນແລກປ່ຽນບົດຮຽນເຊິ່ງກັນ ແລະ ກັນ ໃນວຽກງານຕ່າງໆ ຮ່ວມກັນຕື່ມອີກ.

    ຕອນທ້າຍ ທ່ານ ອຸດອນ ສອນສຸລິນ ກໍໄດ້ມີຄໍາເຫັນໂອ້ລົມ ໂດຍທ່ານໄດ້ເນັ້ນໜັກຊີ້ນໍາຕໍ່ການຈັດຕັ້ງປະຕິບັດວຽກວິຊາ ສະເພາະ ລວມທັງວິທີການຈັດຕັ້ງຝຶກອົບຮົມ, ລະບົບການສົ່ງເອກະສານທາງການໃຫ້ເຊິ່ງກັນ ແລະ ກັນ ເພື່ອເຮັດໃຫ້ວຽກ ງານຄະນະໂຄສະນາອົບຮົມ ເປັນເສນາທິການທີ່ດີ ດ້ານວຽກງານການເມືອງ-ແນວຄິດ ໃຫ້ແກ່ຄະນະພັກຂັ້ນເທິງ.

• < ຕໍ່ໄປ
• ຕໍ່ໄປ >