ຂ່າວໃໝ່

ບົດປະກອບຄໍາເຫັນ ຂອງສະຫາຍ ປອ. ກອງແກ້ວ ໄຊສົງຄາມ ກໍາມະການສູນກາງພັກ, ເລຂາພັກແຂວງບໍລິຄໍາໄຊ ຕໍ່ກອງປະຊຸມວຽກງານການເມືອງ-ແນວຄິດທົ່ວປະເທດ ຄັ້ງທີ V ( ຄັ້ງວັນທີ 17-18 ພະຈິກ 2022 )

ຮຽນ: ສະຫາຍ ປອ ທອງລຸນ ສີສຸລິດ ເລຂາທິການໃຫຍ່ ຄະນະ​ບໍລິຫານ​ງານ​ສູນ​ກາງ​ພັກ, ປະທານປະເທດ ແຫ່ງ ສປປ ລາວ ທີ່ເຄົາລົບ ແລະ ນັບຖືຢ່າງສູງ!

                       ຮຽນ: ບັນດາສະຫາຍ ກຳມະການກົມການເມືອງສູນກາງພັກ, ທີ່ເຄົາລົບຢ່າງ​ສູງ!

     -​ ບັນດາສະຫາຍ ແຂກ-ຜູ້ແທນກອງປະຊຸມ ທີ່ນັບຖື ແລະ ຮັກແພງທັງຫຼາຍ!

     ຂ້າພະເຈົ້າ, ຮູ້ສຶກເປັນກຽດຢ່າງສູງ ແລະ ພາກພູມໃຈຢ່າງຍິ່ງ ທີ່ໄດ້ຮັບອະນຸຍາດ ຈາກສະຫາຍປະທານກອງປະຊຸມ, ໃຫ້ຂຶ້ນ ປະກອບຄຳເຫັນຕໍ່ກອງປະຊຸມວຽກງານການເມືອງ-ແນວຄິດທົ່ວປະເທດ ຄັ້ງທີ V ໃນຫົວຂໍ້: ການສຶກສາອົບຮົມການ ເມືອງ- ແນວຄິດ ປະຊາຊົນບັນດາເຜົ່າເປັນເຈົ້າການເຂົ້າຮ່ວມໃນການແກ້ໄຂປະກົດການຫຍໍ້ທໍ້ໃນສັງຄົມ ຢູ່ແຂວງບໍລິຄໍາໄຊ . ກ່ອນ ອື່ນ, ຂ້າພະເຈົ້າ ຂໍສະແດງຄວາມເປັນເອກະພາບຢ່າງສູງ ຕໍ່ເນື້ອໃນບົດສະຫຼູບຕີລາຄາການຈັດຕັ້ງປະຕິບັດວຽກງານການ ເມືອງ-ແນວຄິດ ທົ່ວປະເທດ ຄັ້ງທີ V ແລະ ທິດທາງ, ໜ້າທີ່ວຽກງານຈຸດສຸມໃນຕໍ່ໜ້າ ທີ່ສະຫາຍ ປອ ຄໍາພັນ ເຜີຍຍະວົງ, ເລ ຂາທິການສູນກາງພັກ, ຫົວໜ້ຄະນະໂຄສະນາອົບຮົມສູນກາງພັກ ໄດ້ສະເໜີຕໍ່ກອງປະຊຸມ, ຄວາມເຫັນຈາກກະຊວງ-ອົງການ ແລະ ຕາງໜ້າຄະນະພັກ, ຄະນະນຳບັນດາແຂວງ, ຂ້າພະເຈົ້າ ເຫັນວ່າ ທຸກຄວາມເຫັນແມ່ນ ຕີລາຄາເຖິງຜົນ ສຳເລັດ ດ້ານດີ, ດ້ານອ່ອນຄົງຄ້າງທີ່ຖືກຕ້ອງ ແລະ ສອດຄ່ອງກັບສະພາບເງື່ອນໄຂຕົວຈິງຂອງວຽກ ງານການເມືອງ-ແນວຄິດ ໃນຊຸມ ປີຜ່ານ ມາ.​ ໃນນາມຄະນະພັກ, ຄະນະປະຈໍາພັກແຂວງບໍລິຄໍາໄຊ ຂໍສະແດງຄວາມປິຕິຍິນດີ, ສະໜັບສະໜູນ ແລະ ຍ້ອງຍໍຊົມເຊີຍ ຢ່າງສຸດໃຈ (ຂໍສະແດງຄວາມຊົມເຊີຍ ).

ຄະນະປະທານ, ແຂກ ທີ່ມີກຽດ ແລະ ຜູ້ແທນກອງປະຊຸມ ທີ່ຮັກແພງ !

      ດັ່ງທີ່ບັນດາສະຫາຍ ຮັບຮູ້ວ່າ ແຂວງບໍລິຄໍາໄຊ ຕັ້ງຢູ່ພາກກາງ, ການປົກຄອງແບ່ງອອກເປັນ 7 ເມືອງ, 284 ບ້ານ, 57.669 ຄອບຄົວ ແລະ ມີພົນລະເມືອງທັງໝົດ 318.200 ກວ່າຄົນ, ປະກອບດ້ວຍ 24 ຊົນເຜົ່າ ທີ່ມີການເຊື່ອຖື ແລະ ຮີດ ຄອງປະເພນີເປັນເອກະລັກຂອງຕົນ. ຊຶ່ງພັກ-ລັດໄດ້ຖືສໍາຄັນ ແລະ ຖືວ່າແຂວງຂອງພວກຂ້າພະເຈົ້າເປັນແຂວງ ທີ່ມີຄວາມ ຫຼໍ່ແຫຼມ, ມີຄວາມສ່ຽງຕໍ່ການເກີດຄວາມບໍ່ສະຫງົບເປັນອັນດັບ 2 ຂອງປະເທດ. ເນື່ອງຈາກຈຸດພິເສດດ້ານທີ່ຕັ້ງພູມສັນຖານ ໄດ້ເປັນເງື່ອນໄຂເອື້ອອໍານວຍໃຫ້ການເຄື່ອນໄຫວແກ່ສັດຕູ ແລະ ກຸ່ມຄົນບໍ່ດີ ເຂົ້າມາສ້າງຄວາມບໍ່ສະຫງົບ, ຄວາມບໍ່ເປັນ ລະ ບຽບຮຽບຮ້ອຍຂອງສັງຄົມໄດ້ ເປັນຕົ້ນແມ່ນ ກໍ່ໃຫ້ເກີດ ປະກົດການຫຍໍ້ທໍ້ຕ່າງໆໃນສັງຄົມ ເຊັ່ນ: ບັນຫາຄ້າ-ຂາຍຢາເສບ ຕິດ, ຄ້າ-ຂາຍເຖື່ອນ, ອຸປະຕິເຫດຕາມທ້ອງຖະໜົນ, ຂີ້ລັກງັດແງະ, ຫຼິ້ນການພະນັນ, ຫຼິ້ນກິນຟູມເຟືອຍ, ຢັກຢອກ-ສໍ້ໂກງ, ສໍ້ ລາດບັງຫຼວງ, ເກີດໜີ້ສິນຄຸມເຄືອນອກລະບົບ ແລະ ອື່ນໆ. ປະກົດການຫຍໍ້ທໍ້ດັ່ງກ່າວນັ້ນ ຊຶ່ງແມ່ນຕົ້ນເຫດທີ່ພາໃຫ້ເກີດ ມີສິ່ງຫຍໍ້ທໍ້ໃນຄອບຄົວ, ບ້ານ, ເມືອງ ແລະ ແຂວງ, ມັນໄດ້ສ້າງຜົນກະທົບຢ່າງຮ້າຍແຮງຕໍ່ຄວາມບໍ່ສະຫງົບ, ຄວາມບໍ່ເປັນລະ ບຽບຮຽບຮ້ອຍໃນສັງຄົມ, ທັງມີຜົນກະທົບຕໍ່ວັດທະນະທຳ, ຮີດຄອງປະເພນີອັນດີງາມຂອງຊາດ, ຂອງເຜົ່າ, ເປັນໜໍ່ແໜງ ເຮັດໃຫ້ອິດທິກຳລັງປໍລະປັກ, ກຸ່ມຄົນບໍ່ດີສວຍໃຊ້ສ້າງເຫດການຕ່າງໆຂື້ນ ເພື່ອໃສ່ຮ້າຍປ້າຍສີລະບອບໃໝ່ ແລະ ແນວທາງນະ ໂຍບາຍຂອງພັກເຮົາ, ທັງເປັນສິ່ງທ້າທາຍຕໍ່ວຽກງານການເມືອງ-ແນວຄິດ ຂອງພັກເຮົາ. ດັ່ງນັ້ນ, ແຂວງພວກເຮົາ ຈຶ່ງໄດ້ສຸມ ໃສ່ເອົາການສຶກສາອົບຮົມການເມືອງ-ແນວຄິດເປັນກົກ, ເອົາການແກ້ໄຂບັນຫາຕົວຈິງເປັນສຳຄັນ, ເຮັດຢ່າງເປັນລະບົບ, ປົກ ກະຕິຕໍ່ເນື່ອງ ຊຶ່ງມີວິທີ, ຮູບການດັ່ງນີ້:

     1.​ ດ້ານເນື້ອໃນ (ນິຕິກໍາ): ໄດ້ອີງໃສ່ບັນດາເນື້ອໃນນິຕິກໍາຂອງສູນກາງພັກ ແລະ ລັດຖະບານໃນການຊີ້ນໍາແຕ່ລະໄລຍະ ບວກໃສ່ນິຕິກຳຂອງບັນດາກະຊວງ ເປັນຕົ້ນແມ່ນ ມະຕິ ສະບັບເລກທີ 25/ກມສພ, ມະຕິ ສະບັບເລກທີ 206/ກມສພ ວ່າ ດ້ວຍການຍົກສູງຄຸນະພາບຂອງວຽກງານການເມືອງ-ແນວຄິດໃນໄລຍະໃໝ່, ມະຕິ ວ່າດ້ວຍການເພີ່ມທະວີການນຳພາ ຂອງ ພັກຕໍ່ວຽກງານວັດທະນະທໍາໃນໄລຍະໃໝ່, ຄຳສັ່ງ ວ່າດ້ວຍການເພີ່ມທະວີວຽກງານຕິດຕາມ, ເກັບກໍາສະພາບ ແນວຄິດ-ຫາງ ສຽງສັງຄົມ, ມະຕິ ວ່າດ້ວຍເພີ່ມທະວີວຽກງານປ້ອງກັນຄວາມສະຫງົບໃນສະພາບການໃໝ່, ຄໍາສັ່ງ ເລກທີ 01, 02/ກມສພ ວ່າດ້ວຍເພີ່ມທະວີການນໍາພາຊີ້ນໍາຂອງຄະນະພັກແຕ່ລະຂັ້ນ ໃນການຈັດຕັ້ງປະຕິບັດມາດຕະການ ແກ້ໄຂຄວາມຫຍຸ້ງ ຍາກ ດ້ານເສດຖະກິດ-ການເງິນ ແລະ ແກ້ໄຂຢາເສບຕິດ, ເອກະສານອົບຮົມປະຊາຊົນຢູ່ລຽບຕາມຊາຍແດນ, ຜູ້ຊຸງຄຸນວຸດທິ ບັນ ດາຊົນເຜົ່າ, ຊາວໜຸ່ມ ແລະ ແມ່ຍິງ; ກົດໝາຍ ວ່າດ້ວຍຢາເສບຕິດ, ກົດໝາຍ ວ່າດ້ວຍການຕ້ານການສໍ້ລາດບັງຫຼວງ, ດຳລັດ ວ່າດ້ວຍກົດຈາລະຈອນທາງບົກ ແລະ ເອກະສານ ອື່ນໆທີ່ຈຳເປັນ; ແຂວງພວກເຮົາ ກໍໄດ້ອອກມະຕິ, ຂໍ້ຕົກລົງ, ມີທັງ ອັນສະເພາະ ແລະ ອັນລວມ, ກຳນົດເປັນວຽກ​ຍຸດ​ທະ​ສາດ​ຈຸດ​ສຸມ​ຂອງ​ແຂວງ ​ໃນການແກ້ໄຂ 4 ເຖື່ອນ    ( ຄົນ​ເຖື່ອນ, ລົດ​ເຖື່ອນ, ອາວຸດ​ເຖື່ອນ ​ແລະ ສິນຄ້າ​ເຖື່ອນ ) ແລະ 9 ຫົວຂໍ້ສຳ​ມະ​ນາວິທະຍາສາດທີ່​ພົວພັນ​ເຖິງ​ຄວາມ​ບໍ່​ສະຫງົບ​ເຊັ່ນ: Œ ວຽກ​ງານ ປກຊ-ປກສ,  ປັບປຸງ​ອຳນາດ​ການ​ປົກຄອງ​ບ້ານ​ໃຫ້​ມີ​ຄວາມ​ເຂັ້ມ​ແຂງ, Ž ການ​ແກ້​ໄຂ​ຄວາມທຸກ​ຍາກ,  ບັນຫາ​ທີ່​ດິນ,  ບັນຫາ​ຢາ​ເສບ​ຕິດ, ‘ ບັນຫາ​ສາສະໜາ, ’ ອຸບັດ​ຕິ​ເຫດ​ຕາມ​ທ້ອງ​ຖະໜົນ, “ ການ​ຕັ້ງ​ສະ​ນຳ, ” ການ​ຂັດຂວາງ​ການ​ປະຕິບັດ​ງານ​ຂອງ​ເຈົ້າ​ໜ້າ​ທີ່ ຫຼື​ ຊິງ​ຕົວ​ປະກັນ; ຄໍາ​ແນະນຳ​ພາຍ​ໃຕ້​ຄຳ​ຂວັນ​ທີ່​ວ່າ “ ພົນລະ​ເມືອງ​ລາວ​ທຸກ​ຄົນ​ເປັນ​ເຈົ້າ​ປະ​ເທດ​ຊາດ, ຍາມ​ປະ​ເທດ​ຊາດ​ພົບ​ຄວາມ​ຫຍຸ້ງຍາກ​ຂັດ​ສົນ ທຸກ​ຄົນ​ຕ້ອງ​ຊ່ວຍ​ຊາດ ​ເພື່ອ​ພ້ອມ​ກັນ​ຂ້າມ​ຜ່ານ​ວິ​ກິດ​ການ​ໄປ​ໃຫ້​ໄດ້ ”; ໃນການຈັດຕັ້ງປະ ຕິບັດເພື່ອໃຫ້ສອດຄ່ອງກັບການແກ້ໄຂຕົວຈິງ ສ້າງ​ເປັນບາງ​ຫົວ​ຂໍ້ສະເພາະເພື່ອ​ເປັນ​ບົດຮຽນ-ບົດສອນ​ຢູ່​ໂຮງຮຽນ​​ການ​ເມືອງ ​ແລະ ການ​ປົກຄອງ​ແຂວງ, ສະໜອງໃຫ້ຄະນະພັກ, ອົງການປົກຄອງແຕ່ລະຂັ້ນ, ພະນັກງານກໍ່ສ້າງຮາກ ຖານການ ເມືອງ ນັບ ແຕ່ຂັ້ນແຂວງ ລົງຮອດຮາກຖານບ້ານ, ກຸ່ມບ້ານ ໄດ້ຈັດຕັ້ງຄົ້ນຄວ້າເຊື່ອມຊຶມມີຄວາມຮັບຮູ້ເຂົ້າໃນ ແລະ ມີສ່ວນ ຮ່ວມ ໃນການຈັດຕັ້ງປະຕິບັດ.

      2.​ ຮູບການ ແລະ ວິທີການເຜີຍແຜ່ເຊື່ອມຊຶມ ແລະ ຜັນຂະຫຍາຍ.

      -​ ໄດ້ຫັນເອົາພະນັກງານຂັ້ນແຂວງ, ເມືອງ ລົງກໍ່ສ້າງຮາກຖານການເມືອງ, ພັດທະນາຊົນນະບົດຮອບດ້ານ ຕາມ 4 ເນື້ອໃນ 4 ຄາດໝາຍ, ວຽກງານສາມສ້າງ ຕິດພັນຂະບວນການແຂ່ງຂັນຮັກຊາດ ແລະ ພັດທະນາ ເຮັດຢ່າງເປັນລະບົບ ແລະ ເປັນປົກກະຕິຕໍ່ເນື່ອງ.

     - ໄດ້ຈັດຕັ້ງເຜີຍແຜ່, ເຊື່ອມຊຶມບັນດານິຕິກຳຕ່າງໆ ຕິດພັນກັບມະຕິກອງປະຊຸມໃຫຍ່ ຄັ້ງທີ XI ຂອງພັກ, ຄັ້ງທີ VII ອົງຄະນະພັກແຂວງ, ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX ແລະ ຄັ້ງທີ V ຂອງແຂວງ, ເພີ່ມທະວີ ຜັນ ຂະຫຍາຍມະຕິ ວ່າດ້ວຍຍົກສູງຄຸນນະພາບຂອງວຽກງານການເມືອງ-ແນວຄິດ ໃນໄລຍະໃໝ່ເຂົ້າສູ່ຊີວິດຕົວຈິງ, ຜັນຂະ ຫຍາຍ ວາລະແຫ່ງຊາດ ກ່ຽວກັບມາດຕະການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະ ສະກັດກັ້ນ, ແກ້ໄຂບັນຫາ ຢາເສບຕິດ ແລະ ນິຕິກໍາສໍາຄັນອື່ນໆຂອງພັກ-ລັດ ແລະ ຂອງແຂວງ ເຮັດໃຫ້ທຸກພາກສ່ວນໃນສັງຄົມ, ປະຊາຊົນບັນດາ ເຜົ່າ ໄດ້ຮັບຮູ້ເຂົ້າໃຈຢ່າງທົ່ວເຖິງ ແລະ ເປັນຂະບວນ ໂດຍມອບໃຫ້ຄະນະຮັບຜິດຊອບ ເກັບກຳສະພາບແນວ ຄິດ-ຫາງ ສຽງສັງຄົມ ທີ່ເກີດຂື້ນແຕ່ລະຂົງເຂດ ແລະ ແຕ່ລະໄລຍະ ເປັນຜູ້ແກ້ໄຂໃຫ້ທັນເວລາ.

    - ໄດ້ຫັນເອົາພະນັກງານລົງຮາກຖານຕາມສາຍຕັ້ງຂອງບັນດາພະແນກການ ເປັນຕົ້ນແມ່ນ ສອງກໍາລັງປ້ອງກັນຊາດ -ປ້ອງກັນຄວາມສະຫງົບ ໄດ້ສົມທົບກັບພາກສ່ວນກ່ຽວຂ້ອງຂອງສູນກາງໄປປະຈໍາຢູ່ແຕ່ລະກຸ່ມບ້ານ, ເຂດຈຸດສຸມຫຼໍ່ແຫຼມ ຄວາມ​ບໍ່​ສະຫງົບ​ທາງ​ດ້ານ​ການ​ເມືອງຂອງແຂວງ ເພື່ອສຸມໃສ່ຈັດຕັ້ງປະຕິບັດ 4 ແຜນງານໃຫຍ່ 41 ໂຄງການຂອງກະຊວງ ປ້ອງກັນຄວາມສະຫງົບວາງອອກ, ສຸມໃສ່ແກ້ໄຂ 4 ເຖື່ອນ ແລະ 9 ຫົວຂໍ້ວິທະຍາສາດ ຫັນເຂົ້າສູ່ລວງເລິກ ຕິດພັນ ກັບ ສອງວາລະແຫ່ງຊາດ, ເຫັນວ່າ ປະກົດການຫຍໍ້ທໍ້ໃນສັງຄົມໄດ້ຖືກສະກັດກັ້ນມີທ່າອ່ຽງຫຼຸດລົງ.

      3.​ ຜົນໄດ້ຮັບ: ຜ່ານການຈັດຕັ້ງປະຕິບັດຕົວຈິງສາມາດສັງລວມໄດ້ຜົນສຳເລັດຄື:

     1.​ ໄດ້ເຮັດໃຫ້ຫຼາຍພາກສ່ວນມີຄວາມເຂົ້າໃຈຢ່າງຈະແຈ້ງ ແລະ ເຫັນໄດ້ຄວາມສໍາຄັນຂອງວຽກງານໂຄສະນາສຶກສາອົບຮົມ ການເມືອງ-ແນວຄິດ ກໍຄືຮັບຮູ້ເຂົ້າໃຈ ແລະ ກຳແໜ້ນແນວທາງນະໂຍບາຍ, ມະຕິ, ຄໍາສັ່ງຂອງພັກ, ກົດໝາຍ ແລະ ລະບຽບ ການຕ່າງໆຂອງລັດ ຢ່າງເລິກເຊິ່ງໄປສູ່ບາດກ້າວໃໝ່ເປັນຮູບປະທໍາຫຼາຍຂຶ້ນ.

    2.​ ປະຊາຊົນບັນດາເຜົ່າ, ຊັ້ນຄົນຕ່າງໆ ມີຄວາມຮັບຮູ້ເຂົ້າໃຈ ແລະ ມີຄວາມເຊື່ອໝັ້ນຕໍ່ການນຳພາຂອງພັກ, ເປັນເຈົ້າການ ເຂົ້າຮ່ວມໃນການແກ້ໄຂປະກົດການຫຍໍ້ທໍ້ຕ່າງໆໃນສັງຄົມ ກໍຄືປົກປັກຮັກສາ ແລະ ສ້າງສາພັດທະນາປະເທດຊາດ ກໍຄືພັດ ທະນາແຂວງເປັນຢ່າງດີ.

     3.​ ພະນັກງານ-ລັດຖະກອນ, ນັກຮົບຂັ້ນແຂວງ, ເມືອງ ໄດ້ຮັບການບຳລຸງ, ກໍ່ສ້າງ ຢ່າງເປັນລະບົບ, ມີຄວາມເຂັ້ມແຂງທາງ ດ້ານວິຊາສະເພາະ ແລະ ມີຄວາມເຕີບໃຫຍ່ໃນຂະບວນການກໍ່ສ້າງຮາກຖານການເມືອງ ຊຶ່ງໄດ້ກາຍເປັນພະນັກງານຫຼັກແຫຼ່ງ, ສືບທອດ ຂອງແຂວງ, ພະແນກການ, ກົມກອງ ມີຈຳ ນວນບໍ່ໜ້ອຍໃນແຕ່ລະໄລຍະ.

    4.​ ໄດ້ສຳເລັດການເຜີຍແຜ່ເຊື່ອມຊືມ ແລະ ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງ​ພັກ, ມະຕິ​ກອງ​ປະຊຸມ​ໃຫຍ່ ຄັ້ງ​ທີ VII ຂອງ​ອົງຄະ​ນະ​ພັກ​ແຂວງ, ​ແຜນ​ພັດທະນາ​ເສດຖະກິດ-ສັງຄົມ 5 ປີ ຄັ້ງ​ທີ IX ຂອງ​ລັດຖະບານ ​ແລະ ຄັ້ງ​ທີ V ຂອງ​ແຂວງ ​ໄດ້​ຖືກ​ຈັດ​ຕັ້ງ​ປະຕິບັດ​ໄປ​ໃນ​ລວງ​ດຽວ​ກັນ.

    5.​ ສາມາດຕີຖອຍຫາງສຽງບໍ່ດີຂອງສັງຄົມ, ປະກົດການຫຍໍ້ທໍ້ຕ່າງໆ ຢູ່ຮາກຖານບ້ານໄດ້ຮັບການແກ້ໄຂລຸດລົງ ແລະ ມີ  ຄວາມສະຫງົບ, ສັງຄົມມີຄວາມເປັນລະບຽບຮຽບຮ້ອຍ, ຍຸຕິທໍາ. ໂດຍລວມແລ້ວ ແຂວງບໍລິຄໍາໄຊ ຍັງສືບ ຕໍ່ມີຄວາມສະຫງົບ, ມີຄວາມເປັນລະບຽບຮຽບຮ້ອຍໃນສັງຄົມ ໂດຍພື້ນຖານ, ເສດຖະກິດໄດ້ຮັບການຂະຫຍາຍຕົວຢ່າງຕໍ່ເນື່ອງ.

 ບັນດາສະຫາຍ ທີ່ນັບຖື ແລະ ຮັກແພງ !

ຄຽງຄູ່ກັບຜົນສຳເລັດທີ່ກ່າວມານັ້ນ, ແຂວງພວກຂ້າພະເຈົ້າ ກໍພົບຄວາມຫຍຸ້ງຍາກ ແລະ ມີຂໍ້ຄົງຄ້າງບາງດ້ານທີ່ຈະຕ້ອງໄດ້ປັບປຸງແກ້ໄຂໃນຕໍ່ໜ້າຄື:

    1.​ ການຈັດຕັ້ງເຜີຍແຜ່ເຊື່ອມຊຶມ ພວກເຮົາໄດ້ເຮັດຫຼາຍລະດັບ, ຫຼາຍເປົ້າໝາຍ ຕິດພັບກັບຫຼາຍຂະບວນການຂໍ້ແຂ່ງຂັນ ຕ່າງໆກໍຕາມແຕ່ທຽບໃສ່ຄວາມຮຽກຮ້ອງຕ້ອງການຂອງສັງຄົມ ເຫັນວ່າບໍ່ທັນກວ້າງຂວາງ ແລະ ເລິກເຊິ່ງເຖິງຖອງ, ຍັງມີລັກ ສະນະຊັກຊ້າໃນບາງຂະບວນການ ໂດຍສະເພາະຢູ່ຂັ້ນເມືອງລົງສູ່ຮາກຖານບ້ານ, ເຂດຫ່າງໄກສອກຫຼີກ.

    2.​ ການຈັດຕັ້ງປະຕິບັດວຽກງານປ້ອງກັນ ແລະ ສະກັດກັ້ນປະກົດການຫຍໍ້ທໍ້ໃນສັງຄົມ ບໍ່ທັນເລິກເຊິ່ງ, ການ​ແກ້​ໄຂ​ບໍ່​ທັນ​ເຂັ້ມ​ງວດ ​ແລະ ​ເດັດຂາດ ​ໄດ້​ສະ​ແດງ​ໃຫ້​ເຫັນ​ບາງ​ປະກົດ​ການ​ຫຍໍ້​ທໍ້​ເກີດ​ຂື້ນ ​ໂດຍ​ສະ​ເພາະ​ສື່​ສັງຄົມ​ອອນ​ລາຍ.

ບົນພື້ນຖານ ແລະ ໝາກຜົນ ແລະ ສິ່ງທ້າທາຍທີ່ກ່າວມາຂ້າງເທິງນັ້ນ, ພວກເຮົາຈະໄດ້ສືບຕໍ່ສຸມໃສ່ວຽກງານສໍາຄັນຕື່ມດັ່ງນີ້:

    1.​ ສືບຕໍ່ຫັນເອົາພະນັກງານຂັ້ນແຂວງ, ເມືອງ ລົງກໍ່ສ້າງຮາກຖານການເມືອງ, ພັດທະນາຊົນນະບົດຮອບດ້ານ ຕາມ 4 ເນື້ອໃນ 4 ຄາດໝາຍ, ວຽກງານສາມສ້າງ ຕິດພັນຂະບວນການແຂ່ງຂັນຮັກຊາດ ແລະ ພັດທະນາ ເຮັດຢ່າງເປັນລະບົບ ແລະ ເປັນປົກກະຕິຕໍ່ເນື່ອງ ຕິດພັນກັບພະນັກງານຮາກຖານຕາມສາຍຕັ້ງ ຂອງບັນດາພະແນກການ ທີ່ປະຈຳຢູ່ແຕ່ລະກຸ່ມບ້ານ, ເຂດຈຸດສຸມຫຼໍ່ແຫຼມຂອງແຂວງ ເພື່ອສືບຕໍ່ໂຄສະນາປຸກລະດົມຂົນຂວາຍປະຊາຊົນ ແລະ ທຸກພາກສ່ວນໃນສັງຄົມເຂົ້າຮ່ວມ ສະ ກັດກັ້ນ ແລະ ແກ້ໄຂປະກົດການຫຍໍ້ທໍ້ຕ່າງໆ, ເອົາໃຈໃສ່ຕິດຕາມ, ເກັບກຳສະພາບແນວຄິດ-ຫາງສຽງສັງຄົມ, ເປັນໃຈ ກາງໃນ ການແກ້ໄຂບັນດາ ປະກົດການຫຍໍ້ທໍ້ທີ່ເກີດ, ຮັບປະກັນເຮັດໃຫ້ແຂວງບໍລິຄຳໄຊ ສືບຕໍ່ມີສະຖຽນລະພາບທາງດ້ານ ການເມືອງ ຢ່າງໜັກແໜ້ນ, ຮັກສາຄວາມເປັນລະບຽບຮຽບຮ້ອຍໃນສັງຄົມໃຫ້ເປັນປົກະຕິ ແລະ ມີທ່ວງທ່າອັນໃໝ່ທີ່ດີຂຶ້ນ.

    2.​ ເອົາໃຈໃສ່ຄົ້ນຄວ້າ ແລະ ເດັດດ່ຽວແກ້ໄຂປະກົດການຫຍໍ້ທໍ້ຢູ່ພາຍໃນ ປະຕິບັດ​ການ​ແກ້​ໄຂ 4 ເຖື່ອນ ແລະ 9 ຫົວຂໍ້ສຳ ມະນາວິທະຍາສາດຂອງແຂວງ, ຫົວຂໍ້ວິທະຍາສາດ ວ່າດ້ວຍການຫຼຸດຜ່ອນອຸປະຕິເຫດ, ໂຄງການວິທະຍາສາດຕ້ານການ ແຜ່ ລະບາດຂອງຢ່າເສບຕິດ ແລະ ຂໍ້ແຂ່ງຂັນການສ້າງຄອບຄົວ, ບ້ານປ້ອງກັນຄວາມສະຫງົບດີ ແລະ ບ້ານປ້ອງກັນຊາດ ເຂັ້ມ ແຂງ ໃຫ້ບັນລຸຕາມຄາດໝາຍທີ່ວາງໄວ້.

   3.​ ເພີ່ມທະວີຍົກສູງບົດບາດໜ້າທີ່ໃຫ້ການບໍລິການສັງຄົມ ແລະ ຈັດລະບຽບສັງຄົມໃຫ້ສອດຄ່ອງກັບລະບຽບກົດໝາຍ, ເພີ່ມທະວີຄວາມເປັນແບບຢ່າງຂອງຖັນແຖວພະນັກງານ ແລະ ເອົາໃຈໃສ່ສ້າງບາດກ້າວໃໝ່ເພື່ອຮັບປະກັນວຽກງານ ປ້ອງ ກັນສະກັດກັ້ນໄປຄຽງຄູ່ກັບການແກ້ໄຂຄະດີຕ່າງໆໃຫ້ຖືກຕ້ອງ, ສອດຄ່ອງກັບແນວທາງ, ຫຼັກການວິຊາສະເພາະ ແລະ ຄວາມ ເປັນຈິງ.

    4.​ ສືບຕໍ່ພົວພັນ, ປະສານສົມທົບ, ຍາດແຍ່ງເອົາທິດຊີ້ນໍາ, ບົດຮຽນຈາກສູນກາງ, ຂະແໜງການກ່ຽວຂ້ອງ, ເພື່ອມາພັດ ທະນາແຂວງບໍລິຄໍາໄຊ ໃຫ້ມີໝາກຜົນເປັນຈິງຫຼາຍຂຶ້ນ, ເຮັດໃຫ້ຊີວິດການເປັນຢູ່ຂອງປະຊາຊົນບັນດາເຜົ່າ ໂດຍສະເພາະ ເຂດ ຫ່າງໄກສອກຫຼີກໄດ້ຮັບການພັດທະນາຫຍັບ​ເຂົ້າ​ໃກ້ກັບເຂດຕົວເມືອງ, ຕັ້ງໜ້າແກ້ໄຂປະກົດການຫຍໍ້ທໍ້ຕ່າງໆໃນສັງຄົມ ໃຫ້ ຫຼຸດລົງ, ເພີ່ມການບໍລິຫານລັດຢູ່ທ້ອງຖິ່ນ ໃຫ້ເຂັ້ມແຂງເທື່ອລະກ້າວ.

    ບັນດາສະຫາຍ ທີ່ນັບຖື ແລະ ຮັກແພງ ການປະກອບຄໍາເຫັນຂອງຂ້າພະເຈົ້າ ມາຮອດນີ້ຂໍສີ້ນສຸດລົງພຽງເທົ່ານີ້, ຂໍອວຍ ພອນແດ່ ປະທານກອງປະຊຸມ, ຜູ້ແທນກອງປະຊຸມທຸກໆສະຫາຍ ຈົ່ງມີສຸຂະພາບແຂງແຮງ, ມີພາລານະໄມສົມບູນ ແລະ ມີຜົນ ສໍາເລັດໃນໜ້າທີ່, ອວຍພອນແດ່ກອງປະຊຸມຈົ່ງດໍາເນີນໄປດ້ວຍຜົນສຳເລັດຢ່າງຈົບງາມ.

ຂໍຂອບໃຈ

ຊົມເຊີຍວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ

ວີດີໂອ....

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 6  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

136629
ມື້ນີ້ມື້ນີ້71
ມື້ວານນີ້ມື້ວານນີ້40
ອາທິດນີ້ອາທິດນີ້493
ເດືອນນີ້ເດືອນນີ້377
ທັງໝົດທັງໝົດ136629