ກອງປະຊຸມເຜີຍແຜ່-ເຊື່ອມຊຶມ ມະຕິກອງປະຊຸມໃຫຍ່ ອົງຄະນະພັກແຂວງ ຄັ້ງທີ VII

ລາຍລະອຽດ

ສ້າງຂື້ນເມື່ອ ວັນພະຫັດ, 10 ທັນວາ 2020 08:13

ຂຽນໂດຍ ຄອຂ ບໍລິຄໍາໄຊ

ໃນວັນທີ 9 ທັນວາ 2020 ທີ່ຜ່ານມາ ຢູ່ທີ່ສະໂມສອນໃຫຍ່ຂອງແຂວງ ຄະນະໂຄສະນາອົບຮົມແຂວງ ໄດ້ສົມທົບກັບ ຄະນະພັກ ພາຍໃນຂົງເຂດການເມືອງ ຈັດກອງປະຊຸມເຜີຍແຜ່-ເຊື່ອມຊຶມ ມະຕິກອງປະຊຸມໃຫຍ່ ອົງຄະນະພັກແຂວງ ຄັ້ງທີ VII ມີພະນັກງານ-ລັດຖະກອນ ເຂົ້າຮ່ວມທັງໝົດ 175 ສະຫາຍ, ຍິງ 76 ສະຫາຍ, ກອງປະຊຸມດັ່ງກ່າວໄດ້ເຜີຍແຜ່-ເຊື່ອມຊຶມເອກະສານທີ່ສໍາຄັນຄື:

- ເຜີຍແຜ່ມະຕິກອງປະຊຸມໃຫຍ່ຜູ້ແທນອົງຄະນະພັກແຂວງ ຄັ້ງທີ VII ແລະ ຜົນສໍາເລັດການຈັດຕັ້ງປະຕິບັດກອງປະຊຸມໃຫຍ່ ຄັ້ງທີ VI ອົງຄະນະພັກແຂວງ ໃຫ້ກຽດຂື້ນເຜີຍແຜ່ໂດຍ ສະຫາຍ ວັນວິໄລ ແດນພູຫຼວງ ຮອງເລຂາຄະນະບໍລິຫານງານພັກແຂວງ.

- ທິດທາງໜ້າທີ່ ແລະ ຄາດໝາຍສູ້ຊົນສໍາລັບໄລຍະປີ ( 2021-2025 ) ແລະ ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ V ( 2021-2025 ) ແຂວງບໍລິຄໍາໄຊ ໃຫ້ກຽດຂຶ້ນເຜີຍແຜ່ ໂດຍ ສະຫາຍ ພູເຂົາເງິນ ອິນທະວົງ ກຳມະການພັກແຂວງ ອໍານວຍການໂຮງຮຽນການເມືອງ-ການປົກຄອງແຂວງ.

• ຕໍ່ໄປ >