ຊຸດອົບຮົມວຽກງານການເມືອງ-ແນວຄິດໃຫ້ເຈົ້າກົກ, ເຈົ້າເຫຼົ່າ, ຫົວໜ້າຊິງຊາວ ທີ່ເມືອງບໍລິຄັນ

ສ້າງຂື້ນເມື່ອ ວັນຈັນ, 13 ພຶດສະພາ 2019 07:49
ຂຽນໂດຍ ຄອຂ ບໍລິຄຳໄຊ

ໃນວັນທີ 06 ພຶດສະພາ 2019 ທີ່ຜ່ານມາ ຄະນະໂຄສະນາອົບຮົມສູນກາງພັກ, ຄະນະໂຄສະນາອົບຮົມແຂວງ ແລະ ເມືອງບໍລິຄັນໄດ້ຮ່ວມກັນຈັດຊຸດອົບຮົມການເມືອງ-ແນວຄິດ ໃຫ້ເຈົ້າກົກ, ເຈົ້າເຫຼົ່າ, ຫົວໜ້າຊິງຊາວ ຢູ່ທີ່ເມືອງບໍລິຄັນ ໃຫ້ກຽດເຂົ້າຮ່ວມເປັນປະທານໂດຍທ່ານ ໂພວາ ພົມມະບຸດດີ ຄະນະປະຈຳພັກເມືອງ, ປະທານແນວລາວສ້າງຊາດເມືອງ, ທ່ານ ຄໍາເຄນ ຈັນທະວົງ ຫົວໜ້າກົມອົບຮົມຄະນະໂຄສະນາອົບຮົມສູນກາງພັກ ພ້ອມດ້ວຍຄະນະຮັບຜິດຊອບຂັ້ນແຂວງ ແລະ ຂັ້ນເມືອງ  

ຊຸດອົບຮົມໃນຄັ້ງນີ້ໄດ້ເຜີຍແຜ່-ເຊື່ອມຊຶມເນື້ອໃນເອກະສານທີ່ສຳຄັນ 3 ບົດຄື: ບົດທີ 1 : ເສີມຂະຫຍາຍມູນເຊື້ອອັນດີງາມຂອງປະຊາຊົນບັນດາເຜົ່າຢູ່ປະເທດເຮົາໃນໄລຍະໃໝ່ ໃຫ້ກຽດບັນຍາຍເອ ກະສານໂດຍທ່ານ ຄຳເຄນ ຈັນທະວົງ ຫົວໜ້າກົມອົບຮົມຄະນະໂຄສະນາອົບຮົມສູນກາງພັກ, ບົດທີ 2 : ບົດບາດ ແລະ ໜ້າທີ່ຂອງເຈົ້າກົກ, ເຈົ້າເຫຼົ່າ, ຫົວໜ້າຊິງຊາວ ບັນຍາຍໂດຍທ່ານ ໂພວາ ພົມມະບຸດດີ ຄະນະປະຈຳພັກເມືອງ, ຄະນະປະທານແນວລາວສ້າງຊາດແຂວງ, ປະທານແນວລາວສ້າງຊາດເມືອງ, ບົດທີ 3 : ເພີ່ມຄວາມສາມັກຄີ ແລະ ຄວາມສະເໜີພາບຂອງປວງຊົນບັນດາເຜົ່າ ບັນຍາຍໂດຍທ່ານ ຄູຫວ່າງ ກ່າຊໍ່ຈົ່ຊົວ ຮອງຫົວໜ້າຄະນະໂຄສະນາອົບຮົມແຂວງ ຊຸດອົບຮົມຄັ້ງນີ້ແມ່ນເພື່ອສ້າງຄວາມເຂົ້າໃຈໃຫ້ແກ່ບັນດາເຈົ້າກົກ, ເຈົ້້າເຫຼົ່າໃນການເປັນເສນາທິການໃຫ້ແກ່ໜ່ວຍພັກ, ອຳນາດການປົກຄອງສຶກສາອົບຮົມຍາດພີ່ນ້ອງກົກ, ເຫຼົ່າຕົນເອງໃນການຮ່ວມພັດທະນາເສດຖະກິດ-ສັງຄົມ ແລະ ປະຕິບັດລະບຽບກົດໝາຍໃຫ້ໄດ້ຮັບຜົນດີຂຶ້ນເທື່ອລະກ້າວ.