ຊຸດຝຶກອົບຮົມວຽກງານໂຄສະນາອົບຮົມ 6 ແຂວງ​ພາກ​ກາງ ທີ່​ແຂວງ​ບໍ​ລິ​ຄຳ​ໄຊ ປະຈໍາປີ 2018

ລາຍລະອຽດ

ສ້າງຂື້ນເມື່ອ ວັນພຸດ, 06 ກຸມພາ 2019 07:57

ຂຽນໂດຍ ຄອຂ ບໍລິຄຳໄຊ

ຊຸດຝຶກອົບຮົມວຽກງານໂຄສະນາອົບຮົມ  6 ແຂວງ​ພາກ​ກາງ ທີ່​ແຂວງ​ບໍ​ລິ​ຄຳ​ໄຊ ປະຈໍາປີ 2018

ວັນທີ 8 ຕຸລາ 2018 ຄະນະໂຄສະນາອົບ ຮົມສູນກາງພັກ ຮ່ວມ​ກັບ ຄະນະໂຄສະນາອົບຮົມແຂວງບໍລິຄໍາໄຊ ໄດ້ຈັດຊຸດຝຶກອົບຮົມວຽກງານໂຄສະນາອົບຮົມປະຈໍາປີ 2018 ຂຶ້ນ ຢູ່​ທີ່​ຫ້ອງ​ປະ​ຊຸມ​ຊັ້ນ 3 ຂອງ​ຫ້ອງວ່າ​ການ​ປົກ​ຄອງ​ແຂວງ ບໍ​ລິ​ຄຳ​ໄຊ

        ທ່ານ ນາງ ສຸດ​ສະ​ດາ ໂສ​ພາ ຮອງ​ຫົວ​ໜ້າຄະ​ນະ​ໂຄ​ສະ​ນາອົບ​ຮົມແຂວງ ບໍ​ລິ​ຄຳ​ໄຊ, ຄະ​ນະ​ຮັບ​ຜິດ​ຊອບ​ຊຸດ​ຝຶກ​ອົບ​ຮົມ​​ໄດ້ຂຶ້ນກ່າວຈຸດປະສົ່ງຂອງການຝຶກອົບຮົມໃນຄັ້ງນີ້ວ່າ: ເພື່ອເປັນການຍົກລະດັບ ຄວາມຮູ້,ຄວາມສາມາດໃຫ້ແກ່ສະມາຊິກພັກ, ພະນັກງານຜູ້ທີ່ເຮັດວຽກງານໂຄສະນາອົບຮົມການ​ເມືອງ​ແນວ​ຄິດ, ສາ​ມາດກຳ​ໄດ້​ແນວ​ທາງ, ແຜນ​ນະ​ໂຍ​ບາຍ​ຂອງ​ພັກ,​ ກົດ​ໝາຍ​ຂອງ​ລັດ, ສາ​ມາດ​ຕອບສະ   ໜອງໄດ້ກັບຄວາມຮຽກຮ້ອງຕ້ອງການຂອງ​ໜ້າ​ທີ່​ການການເມືອງໃນໄລຍະໃໝ່; ຊຸດ​ຝຶກ​ອົບ​ຮົມ​ໃນ​ຄັ້ງ​ນີ້​ຈະໄດ້​ດຳ​ເນີນ​ເປັນ​ເວ​ລາ 10 ວັນ, ບົດ​ຮຽນ​ທີ່​ຈະ​ນຳ​ເໜີ​ໃນ​ຊຸດ​ຝຶກ​ມີ​ທັງ​ໝົດ 22ບົດ ​ແລະ ນອກ​ຈາກ​ການ​ຝຶກ​ຮົມ​ທາງ​ດ້ານ​ທິດ​ສະ​ດີ​ແລ້ວ​ນັກ​ສຳ​ມະ​ນາ​ກອນ​ຍັງ​ຈ​ະ​ໄດ້​ໄປ​ທັດ​ສະ​ນະ​ສຶກ​ສາ.

          ໃນ​ໂອ​ກາດ​ດັ່ງ​ກ່າວ ທ່ານ ປອ ຄຳ​ໝັ້ນ ຈັນ​ທະ​ລັງ​ສີ ຮອງ​ເລ​ຂາ​ຄະ​ນະ​ພັກ, ຮອງ​ຫົວໜ້າ​ຄະ​ນະ​ໂຄ​ສະ​ນາ​ອົບ​ຮົມ​ສູນ​ກາງ​ພັກ​ ກໍ່​ໄດ້​ໃຫ້​ກຽດ​ກ່າວ​ເປີດ​ຊຸດ​ຝຶກ​ອົບ​ຮົມ​ ເຊິ່ງກ​ອ່​ນ​ອື່ນທ່ານ ໄດ້​ສະ​ແດງ​ຄວາມ​ຍ້ອງ​ຍໍ​ຊົມ​ເຊີຍ​​ຕໍ່ຄະ​ນະ​​ຮັບ​ຜິດ​ຊອບກໍ່​ຄື​ຄະ​ນະ​ໂຄ​ສະ​ນາ​ອົບ​ຮົມ​ແຂວງບໍ​ລິ​ຄຳ​ໄຊ ທີ່ໄດ້​ສ້າງ​ເງື່ອນ​ໄຂ ແລະ ອຳ​ນວຍ​ຄວາມ​ສະ​ດວກ​ໃນ​ການ​ຈັດ​ຝຶກ​ອົົຮົມ​ໃນ​ຄັ້ງ​ນີ້; ພ້ອມ​ດຽວ​ກັນ​ນີ້​ຍັງຮຽກ​ຮ້ອງ​ໃຫ້​ນັກ​ສຳ​ມະ​ນາ​ກອນ​ທຸກ​ທ່ານ​ຈົ່ງ​ຕັ້ງ​ໃຈ​ສຶກ​ສາ​ຮ່ຳ​ຮຽນ, ປະ​ຕິ​ບັດ​ກົດ​ລະ​ບຽບ ແລະ ເວ​ລາ​ທີ່​ຄະ​ນະ​ຮັບ​ຜິດຊອບ​ໄດ້​ວາງ​ອອກ​ຢ່າງ​ເຂັ້ມ​ງວດ ເພື່ອ​ເຮັດ​ໃຫ້​ຊຸດ​ຝຶກ​ອົບ​ຮົມ​ໃນ​ຄັ້ງນີ້​ສຳ​ເລັດ​ໄປ​ດ້ວຍ​ດີ.

ຂ່າວ ແລະ ພາບໂດຍ: ຄອນ​ສະ​ຫວັນ ລັດ​ຕະ​ນະ​ວັນ​ໂນ.

• < ຕໍ່ໄປ
• ຕໍ່ໄປ >